«Qys 2016» respýblıkalyq komandalyq oqý-jattyǵý bastaldy - TJK
ASTANA. QazAqparat - Búgin Qazaqstan Respýblıkasynda «Qysqy kezeń jaǵdaıynda tótenshe jaǵdaılardy joıý kezindegi is-qımyldarǵa azamattyq qorǵaý memlekettik júıesiniń basqarý organdary men kúshterin daıarlaý» taqyrybyndaǵy «Qys 2016» respýblıkalyq komandalyq oqý-jattyǵýy bastaldy. Oqý-jattyǵý 2016 jylǵy 16-18 qarasha aralyǵynda ótedi, dep habarlaıdy QR ІІM TJK baspasóz qyzmeti.
Oqý-jattyǵýdy basqarý shtaby Pavlodar qalasynda ornalasqan. Oqý-jattyǵý basshysy - Qazaqstan Respýblıkasy Іshki ister mınıstriniń orynbasary ıÝ.V. Ilın.
Oqý-jattyǵý barysynda qysqy kezeńdegi tótenshe jaǵdaıda den qoıýǵa azamattyq qorǵaý qyzmetteri men quralymdarynyń ázirligi, jumys úılesimdiligi, qysqy kezeń jaǵdaıyndaǵy tótenshe jaǵdaılardy joıýǵa azamattyq qorǵaý memlekettik júıesi jáne halyqtyń ázirligi men qabilet deńgeıi tekseriletin bolady.
«Qys 2016» oqý-jattyǵýy aıasynda respýblıka boıynsha qysqy kezeń jaǵdaıynda TJ-ny joıý boıynsha is-qımyldardy pysyqtaý jáne naqty obektilerde zardap shekken adamdarǵa kómek kórsetý taktıkalyq-arnaıy jattyqtyrýlar ótkiziletin bolady.
