«Qys-2013» respýblıkalyq komandalyq-shtabtyq oqý-jattyǵýdyń ekinshi kúni qysqy kezeńde tótenshe jaǵdaılardyń aldyn alý jaıy pysyqtaldy

Bul týraly QR TJM baspasóz qyzmeti habarlady.

Astana qalasynda «Qys-2013» oqý-jattyǵýy aıasynda qaladaǵy shuǵyl qyzmetter, órt sóndirýshiler men qutqarýshylardyń qutqarý jáne basqa kezek kúttirmeıtin jumystary, zardap shekken adamdardy qutqarý, evakýatsııalaý jáne olarǵa medıtsınalyq kómek kórsetý boıynsha is-áreketteri praktıkada pysyqtaldy. Oqý-jattyǵýǵa QR TJ mınıstri V.K. Bojko, ákim orynbasary V.L. Krylov, TJM basshylyǵy men jaýapty qyzmetkerleri qatysty.

Saǵat 10.00-de Astana qalasynyń shuǵyl den qoıý jasaǵy qaraldy. TJ mınıstri men Astana ákiminiń orynbasary qalalyq qyzmetterge naqty mindetterdi júktedi, olardyń qysqy kezeńdegi TJ-ny joıýǵa ázirlikterin tekserdi. Odan ári elektr energetıkalyq jelilerde bolǵan avarııany joıý, bıik ǵımarattardaǵy órtti sóndirý, zardap shekken adamdardy evakýatsııalaý jáne ornalastyrý boıynsha is-áreketteri pysyqtaldy. QR TJM 2 tikushaǵy jumyldyryldy, olar jaǵdaıdy barlaý, qutqarýshylardy desanttaý jáne zardap shekken adamdardy medıtsınalyq mekemelerge tasymaldaý jumysyn júrgizdi. Sondaı-aq ǵımarattyń tynys-tirshiligin qamtamasyz etý boıynsha kópmaqsatty órt sóndirý avtomobıliniń múmkindikteri kórsetildi. Oǵan qysymy 100 Vt 500 elektr shamyna jáne kompıýterlerdiń ortasha qýattylyǵy 125 qorektendirý blogyna teń elektr energııasyn berýge qabiletti elektr generatory kózdelgen.

Oqý-jattyǵýdyń praktıkalyq bóligine jeke quramnan 216 adam qatysty, 162 birlik tehnıka, onyń ishinde 2 tikushaq jumyldyryldy.

Oqý-jattyǵýdyń jospary boıynsha QR TJM mınıstri ortalyq memlekettik organdardyń jedel toptar basshylarynyń, oblystar, Astana jáne Almaty qalalary TJ jónindegi komıssııa tóraǵalarynyń basqarý organdary, kúshter men quraldar ázirligi týraly baıandamalaryn tyńdady.