Qyrymda temirjol boıyndaǵy jol apatynan birneshe adam qaza boldy
ASTANA.QazAqparat - Qyrymdaǵy rettelmeıtin temirjol ótkelinde iri jol apaty boldy. Elektrli poıyz mıkravtobýspen soqtyǵysyp qaldy, dep habarlaıdy «QazAqparat» BBC-ge silteme jasap.
Bastapqy málimetterge sáıkes, jol apatynan 5 adam qaza taýyp, taǵy tórt adam jaraqat alǵan. Bul týraly Qyrym respýblıkasyndaǵy ІІM aqparat jáne qoǵammen baılanys bóliminiń basshysy Olga Kondasheva málimdedi.
«Djankoı-Armıansk» baǵyty boıynsha qozǵalyp kele jatqan elektrli poıyz temirjol ótkelinde Mercedes Sprinter mıkravtobýsymen soqtyǵysqan. Zardap shekkenderdiń barlyǵy avtobýs jolaýshylary, kólikte 13 adam bolǵan», -dep habarlaıdy jergilikti TJM.
Elektrli poıyz relsten shyqqan joq. Oqıǵa ornynda qutqarýshylar men medıtsına mamandary jumys istep jatyr.
