Qyrymda 100 shaqty delfın muzǵa qysylyp qalǵan
ASTANA. 28 naýryz. QazAqparat - Qyrymda Novootradnoe aýdany mańynda Azov memlekettik balyqtardy qorǵaý aýmaqtyq bóliminiń qyzmetkerleri azovka túrine jatatyn 100 shaqty delfındi anyqtady.
Olar teńiz jaǵasy men uzyndyǵy 200, eni 6 metr muzdyń arasynda qysylyp qalǵan. Bul týraly ITAR-TASS agenttigi habarlady.
Qyrym aýmaqtyq bóliminiń jetekshi ıhtıology A. Matveev ýkraınalyq "Kerch.FM" radıostansasynda málim etkendeı, delfınderdi qutqarý úshin arnaıy tehnıka qajet. «Egerde eshqandaı shara qoldanbasa, delfınder ólip qalady», -dedi maman.
Bolǵan oqıǵa jaıly tabıǵatty qorǵaý prokýratýrasy men ekologııalyq ınspektsııaǵa habarlandy.
