Qyrymbek Kósherbaev Jambyldyń 175 jyldyǵyn atap ótý jónindegi komıssııa otyrysyn ótkizdi
Memlekettik hatshy óz sózinde Jambyl Jabaevtyń 175 jyldyǵy eldigimizdi aıshyqtap, birligimizdi kórsetetin aıtýly oqıǵa ekenin, aldaǵy josparlanǵan is-sharalardy joǵary deńgeıde ótkizý qajettigin aıtty.
– Aqynnyń mereıtoıy jas urpaqty tárbıeleıtin, ultymyzdy uıystyratyn, jurtshylyqqa oı salatyn taǵylymy mol, tálimi zor, tárbıelik máni baı shara bolýy tıis, – dedi Qyrymbek Kósherbaev.
Komıssııa otyrysynda Mádenıet jáne sport mınıstri Aqtoty Raıymqulova, Aqparat jáne qoǵamdyq damý mınıstri Aıda Balaeva, Bilim jáne ǵylym mınıstri Ashat Aımaǵambetov sonymen qatar, Almaty oblysynyń ákimi Amandyq Batalov pen Jambyl oblysynyń ákimi Berdibek Saparbaev aqyn mereıtoıyn atap ótýge qatysty jospardyń oryndalý barysy jóninde baıandady.
Jıyn sońynda Memlekettik hatshy Jambyl Jabaevtyń 175 jyldyq mereıtoıyn daıyndaý jáne ótkizý jónindegi jalpy respýblıkalyq jospardy oryndaý jónindegi jumysty jalǵastyrýdy jáne belgilengen is-sharalardyń sapaly ótkizilýin qamtamasyz etýdi tapsyrdy.
