Qyrymbek Kósherbaev: Totalıtarızmnen zardap shekken kóp halyqqa qazaq jeri pana boldy

NUR-SULTAN. QazAqparat – Memleket basshysy Qasym-Jomart Toqaev qoǵamdyq sanaly jańǵyrtýǵa basa mán berip otyr. Bul týraly QR Memlekettik hatshysy Qyrymbek Kósherbaev aıtty, dep habarlaıdy QazAqparat tilshisi.

«Ýaqyttyń syn-tegeýrinine beıimdelgen jańa ulttyq biregeılikti qalypastyrýdyń zamanaýı jaǵdaıynda el Prezıdenti Qasym-Jomart Toqaev saıası-ekonomıkalyq reformalarmen qatar qoǵamdyqsany jańǵyrtýǵa da basa mán berip otyr. Memleket basshysy ulttyq múdeleler men jańa ǵylymı ádisterdi eskere otyryp. Otandyq tarıhty jazý syndy mańyzdy strategııalyq mindettialǵa shyǵaryp otyr. Bul bizdiń tarıhı sanamyzdyń jańǵyrýynyń jarqyn kórinisi», - dedi Qyrymbek Kósherbaev Qazaqstan Táýelsizdiginiń 30 jyldyǵyna jáne Alǵys aıtý kúniniń 5 jyldyǵyna arnalǵan dóńgelek ústel barysynda.

Memlekettik hatshy qoǵamyzdyń rýhanı jańǵyrtýdyń mańyzdy baǵyttarynyń biri saıası qýǵyn-súrgin qurbandaryn tolyqtaı aqtaý jumystaryn aqıataý bolýy tıistigin basa aıtty.

«Totalıtarızmnen zardap shekken kóptegen halyq úshin qazaq jeri naǵyz úıine, týǵan oshaǵyna aınaldy. Tarıhı ádiletti qalpyna keltirý, sottalǵandardyń adal esimderin qaıtaryp, ádildik ornatý – mine osy jaıtty biz rızashylyq bildiretin urpaqtarynyń jadynda qaldyrýǵa tıispiz», - dedi ol.