Qyrymbek Kósherbaev: Olıver Stoýnnyń tańdaýy Ortalyq Azııa elderinen Elbasyǵa tústi

NUR-SULTAN. QazAqparat – Ortalyq kommýnıkatsııalar qyzmetinde «Oskar» syılyǵynyń 3 márte ıegeri, «Altyn globýs» syılyǵynyń 5 márte ıegeri, ataqty kınorejıser, prodıýser, stsenarıst Olıver Stoýnnyń prodıýserligimen jaryq kórgen «Qazaq. Altyn adam tarıhy» atty fılmniń kórsetilim aldyndaǵy tanystyrylymy ótip jatyr, dep habarlaıdy QazAqparat.

Sharada Memlekettik hatshy Qyrymbek Kósherbaev sóz sóılep, fılmniń shyǵý tarıhyna toqtaldy.

«Olıver Stýon myrza burynǵy Keńester Odaǵyndaǵy Ortalyq Azııa memleketterin osyǵan deıin jan-jaqty zerttegen. Álemge usynýǵa laıyq tulǵa izdegen. Jańa zamannyń jańa kóshbasshysy retinde tańdaýy Qazaqstan respýblıkasynyń Tuńǵysh Prezıdenti-Elbasy Nursultan Ábishuly Nazarbaevqa túsipti», - dedi Qyrymbek Kósherbaev.

Sondaı-aq, ol Elbasynyń mundaı súıekti týyndyǵa qaı jaǵynan da laıyqty tulǵa ekenin atap ótti.

«Buǵan baılanysty men bir-eki dúnıe aıtaıyn. Bizde Uly dalada, Qazaq elinde qalyptasqan bir jaqsy dástúr bar. Ol – «Elińde kimiń bar» dep suraq qoıý. Óıtkeni ár eldiń kelbetin onyń tabıǵatynyń landshafty emes, jerastynyń baılyǵy emes, tulǵalary, qabyrǵaly azamattary qalyptastyrǵan», - dedi Memlekettik hatshy.