Qyrymbek Kósherbaev Memlekettik rámizder jónindegi komıssııanyń otyrysyn ótkizdi
Qazaqstan Respýblıkasynyń Memlekettik hatshysy Qyrymbek Kósherbaevtyń tóraǵalyǵymen Memlekettik rámizder men vedomstvolyq jáne olarǵa teńestirilgen ózge de nagradalar geraldıkasy máseleleri jónindegi respýblıkalyq komıssııanyń onlaın júıesindegi otyrysy ótti.
Otyrysty ashqan Qyrymbek Kósherbaev memlekettik rámizder bizdiń Táýelsizdigimizdiń basty qundylyǵy bolyp tabylatynyn jáne úsh onjyldyq boıy Qazaqstan halqynyń birligin, tutastyǵyn jáne azamattyq biregeıligin beıneleıtinin atap ótti.
Memlekettik hatshy sondaı-aq, Prezıdent tapsyrmasyna sáıkes memlekettik rámizderdi paıdalanýdy keńeıtýdi kózdeıtin zańnama men normatıvtik aktilerge tıisti ózgerister men tolyqtyrýlar ázirlengenin aıtty.
Otyrysta Mádenıet jáne sport mınıstri A.Raıymqulovanyń Memlekettik rámizder salasyndaǵy zańnamaǵa ózgerister men tolyqtyrýlar engizý, geraldıkalyq zertteýler ortalyǵynyń qyzmeti týraly, sondaı-aq Indýstrııa jáne ınfraqurylymdyq damý mınıstri
B. Atamqulov pen Aqmola oblysynyń ákimi E. Marjyqpaevtyń memlekettik rámizderdi nasıhattaý jáne paıdalaný boıynsha júrgizilip jatqan jumystary jónindegi baıandamalary tyńdaldy.
Otyrys qorytyndysy boıynsha Qyrymbek Kósherbaev memlekettik rámizder men geraldıka salasy boıynsha, atap aıtqanda, osy baǵyttaǵy quqyq buzýshylyqtardyń aldyn alýdy kúsheıtý, vedomstvolyq nagradalardy ońtaılandyrý jónindegi jumysty jalǵastyrý, memlekettik rámizderdi nasıhattaý jáne jastarǵa patrıottyq tárbıe berýde qoǵamdyq uıymdardyń áleýetin keńinen paıdalaný týraly birqatar naqty tapsyrmalar berdi. Nur-Sultan, Almaty, Shymkent qalalarynyń jáne oblystardyń ákimderine óńirlerde memlekettik rámizderdi nasıhattaý ortalyqtarynyń tıimdi qyzmetin qamtamasyz etý, shalǵaı aýyldyq okrýgterdegi osy jumysqa erekshe nazar aýdarý tapsyryldy.
