Qyrymbek Kósherbaev memlekettik nagradalar men syılyqtar tapsyrdy

NUR-SULTAN. QazAqparat - Qazaqstan Respýblıkasynyń Memlekettik hatshysy Qyrymbek Kósherbaev Qazaqstan Respýblıkasynyń Prezıdenti Qasym-Jomart Toqaevtyń tapsyrmasy boıynsha belgili mádenıet, ǵylym, bilim, densaýlyq saqtaý salalarynyń qaıratkerlerine, óndiristik sala ókilderine Qazaqstan Respýblıkasynyń memlekettik nagradalaryn, sondaı-aq, ál-Farabı atyndaǵy ǵylym men tehnıka salasyndaǵy 2019 jylǵy memlekettik syılyq laýreattaryna dıplomdar men tós belgilerdi saltanatty túrde tapsyrdy, dep habarlaıdy QazAqparat Aqordaǵa silteme jasap.

Jyl saıyn Táýelsizdik kúni qarsańynda Memleket basshysy Qazaqstannyń damýy men órkendeýine erekshe úles qosqan azamattardy memlekettik nagradalarmen jáne syılyqtarmen marapattaıdy. Bul ıgi dástúrge aınalǵan.

– Memlekettik nagradalar men syılyqtar – sizderdiń elimizdi álemdegi dáýletti, parasatty ári básekege qabiletti memleketke aınaldyrýdaǵy jasampaz eńbekterińizge, bilimderińizge, qajyr-qaırattaryńyzǵa jáne sińirgen eńbekterińizge berilgen joǵary baǵa, – dedi Qyrymbek Kósherbaev.

Memlekettik hatshy marapat ıelerine jańa tabys men jetistik tiledi.