Qyrym tataryn jazymǵa ushyratqan mılıtsııa qyzmetkerleri shartty merzimge kesildi
ASTANA. Aqpannyń 2-si. QazAqparat - Sımferopoldiń Temirjol aýdandyq soty qyrym tatarynyń úıine qatelesip basyp kirgen ishki ister organdarynyń eki qyzmetkerine úkim shyǵardy. Basyp kirý saldarynan azamat qolynan aıyrylyp, sholaq bolyp qalǵan,
dep habarlaıdy QazAqparat Lenta.Rý saıtyna silteme jasap.
Sımferopol aýdandyq bóliminiń ýchaskelik ınspektory Maksım Pışık jáne ІІM jedel qyzmetkeri Vasılıı Vaýlın bes jylǵa shartty túrde sottaldy.
Sot sonymen qatar, Qyrym Avtonomdy Respýblıkasynyń ІІM qalalyq basqarmasyn zardap shekken otbasyǵa 94,5 myń grıven (11,6 myń dollar) ótemaqy tóleýge mindettedi. Onyń ishinde 69,5 myń grıven - moraldyq zııan jáne otaǵasy Mýstafa Haırovtyń emdelýi úshin, taǵy 25 myń onyń otbasyna tólenedi. Haırov mılıtsıonerlerden 10 mıllıon grıven óndirip alýdy talap etti.
Mýstafa Haırov sottyń sheshimine qanaǵattanbaıtynyn jáne ony qaıta qaraýǵa shaǵymdanatynyn málimdedi.
