Qyrym mártebesi túbegeıli rettelmegen - Ydyrysov
ASTANA. QazAqparat - Qyrym mártebesi týraly másele túbegeıli rettelmegen dep sanaımyz. Bul týraly búgin Ortalyq kommýnıkatsııalar qyzmetindegi brıfıngte elimizdiń syrtqy ister mınıstri Erlan Ydyrysov málim etti, dep habarlaıdy QazAqparat.
«Biz Birikken Ulttar Uıymynda daýys berý kezinde qalys qaldyq. ıAǵnı, biz halyqaralyq-quqyqtyq turǵyda Qyrym mártebesi týraly másele túbegeıli rettelmegen dep sanaımyz. Sondyqtan biz osyǵan, mártebe aıqyndalmaǵan degenge súıenemiz. Biz Reseı de, Ýkraına da bul máseleni túbegeıli sheshý úshin saıası da, basqa da múmkinshilikter taba alady dep oılaımyz», - dedi Ydyrysov BAQ ókilderiniń Qyrym mártebesine qatysty saýalyna oraı.
Mınıstr Qyrym mártebesi óte kúrdeli halyqaralyq-quqyqtyq sıpatqa ıe ekendigin basa aıtty. Sonymen qatar ol Qyrymnyń ákimshilik mártebesi naqty aıqyndalmaǵandyqtan sharýashylyq sýbektileri onymen baılanysta barynsha abaı bolýy kerektigin atap ótti.
«Bul rettegi bizdiń keńesimiz qandaı da bir tikeleı ózara is-qımyldan qalys bolý kerek. ıAǵnı, jaǵdaıdy eskerý qajet. Іs júzinde kóptegen elder, olardyń sharýashylyqtary men basqa da nysandary yńǵaısyz jaǵdaıǵa qaldy. Biraq, shyndyq solaı. Shynaıy jaǵdaı mynadaı, halyqaralyq-quqyqtyq turǵyda Qyrymnyń mártebesi rettelmegen. Bul keleshektiń máselesi»,- dedi Ydyrysov.
