Qyrym qandy bezgeginiń alǵashqy belgileri baıqalǵan sátten dárigerge dereý kóriný kerek - DSM
ASTANA. 28 shilde. QazAqparat - Densaýlyq saqtaý mınıstrligi Ońtústik Qazaqstan oblysynyń Saıram aýdanynda ólimmen aıaqtalǵan qyrym qandy bezgegi oqıǵasynyń tirkelgenin habarlaıdy.
Naýqastyń dereý dárigerge kórinip, 21 shilde kúni aýrýhanaǵa jatqyzylǵanyna jáne jasalǵan keshendi em-domǵa qaramastan, ol keshe, 27 shilde kúni kóz jumdy. Onymen qarym-qatynasta bolǵan adamdardyń bári medıtsınalyq baqylaýǵa alyndy.
Respýblıkamyzdyń qyrym qandy bezgegi boıynsha endemııalyq óńirlerinde - Ońtústik Qazaqstan, Qyzylorda, Jambyl oblystarynda jyldyń basynan beri osynaý qaterli derttiń taralýynyń aldyn alý jónindegi sharalar belsendi júrgizilip keledi.
Densaýlyq saqtaý mınıstrligi turǵyndarǵa dene qyzýynyń kóterilýi, qan ketý, loqsý, kene shaǵý sııaqty qyrym qandy bezgeginiń alǵashqy belgileri baıqalǵan sátten dárigerge dereý kóriný kerektigin taǵy da eskertedi.
