Qyrym alǵash ret Oraza meıramyn resmı demalys retinde atap ótýde - RF
ASTANA. QazAqparat - Bıylǵy jyly shildeniń dúısenbisine sáıkes kelgen Oraza meıramy – dástúrli musylmandar merekesin qyrymdyqtar alǵash ret resmı demalys kúni retinde atap ótýde.
Budan buryn tıisti jarlyqqa Qyrym Respýblıkasy basshynyń mindetin ýaqytsha atqarýshy Sergeı Aksenov qol qoıdy. Respýblıkanyń Ultaralyq qatynastar jáne jer aýdarylǵan azamattar isteri memlekettik komıtetiniń basshysy Zaýra Smırnovanyń aıtýynsha, Oraza meıramy alǵash ret Qyrym tarıhynda demalys kúni boldy.
«Bul endi dinı senimnen tys barlyq qyrymdyqtar úshin jalpy merekege aınalady. Keleshekte mundaı merekelerdi barlyǵymyz birge atap ótýdi josparlaýdamyz», - degen Smırnovanyń sózin keltiredi qyrymdyq úkimettiń baspasóz qyzmeti.
Búgin Qyrym halqy namaz oqıdy, artynsha musylmandar aıt merekesin toılaıdy. San myńdaǵan jamaǵat sımferopoldyq Kásipodaq mádenıeti saraıynda namazǵa jyǵylady.
Sońǵy halyq sanaǵy derekterine súıensek, Qyrymda jalpy halyq sanynyń 12,5 paıyzy musylmandar (eki mıllıonǵa jýyǵy) quraıdy.
