Qyrkúıektiń sońynan bastap Almaty-Pavlodar baǵytynda «Talgo» poıyzy qatynaıdy
NUR-SULTAN. QazAqparat – Qyrkúıek aıynyń sońynan bastap Almaty-Pavlodar-Almaty baǵyty boıynsha «Talgo» poıyzy qatynaıdy. Bul týraly «Ónerkásipti damytý qory» AQ baspasóz qyzmetinen málim etti, dep habarlaıdy QazAqparat tilshisi.
Atalǵan qor «Tulpar» zaýytynan jolaýshylar tasymalyna arnalǵan 62 talgo vagonyn satyp alý úshin qarjy bólgen.
«Vagondardy satyp alý jáne olardy lızıngke berý ınfraqurylymdy damytýdyń 2020-2025 jyldarǵa arnalǵan «Nurly jol» memlekettik baǵdarlamasy sheńberinde júzege asyryldy. Jańa vagondar jyljymaly satylarmen, jınalmaly ústeldermen, temperatýrany jeke retteýge arnalǵan qurylǵylarmen jabdyqtalǵan. Ol Almaty-Pavlodar-Almaty baǵyty boıynsha qatynaıdy. Josparǵa sáıkes, satyp alynǵan «Talgo» vagondary jylyna 290 myń jolaýshyny tasymaldaýǵa qaýqarly. Olarǵa qyzmet kórsetý úshin qosymsha 228 jumysker qyzmetke alynady», - dep málim etti qordyń baspasóz qyzmetinen.
Eske sala keteıik, qyrkúıek aıynan bstap Ulytaý oblysyna «Talgo» poıyzy qatynaıdy .
