Qyrkúıektiń 5-inen 6-syna qaraǵan túni búkil adamzatqa Quran Kárimniń aıattary túse bastaǵan - Qadir túni

Ótken tamyz aıynyń 11-i kúni kirgen Ramazan aıy ústimizdegi qyrkúıektiń 8-i kúni aıaqtalady.

«Qadyr» sózi - «qadir-qurmet», «taǵzym» degen maǵynalardy bildiredi.

Bul túni musylmandar tań atqansha kóz ilmeı, Alla Taǵala atyna madaq aıtyp, qulshylyq jasaıdy. Óıtkeni, dál osy Qadir túninde adamzatty Alla jolyna alyp baratyn - Quran Kárim tústi. Bul jaıly arnaıy «Qadir» súresi de túsken. Alla elshisi (s.ǵ.s.) bir hadısinde Qadir túniniń qasıeti jaıly: «Kimde-kim saýabyn tek qana Alladan kútip, yqylaspen sol túndi ǵıbadat jasaýmen ótkizse, kúnálary keshiriledi», - dep aıtqan. Qadir súresinde atalǵan túnde jasalǵan qulshylyq saýaby myń aı (myń aı - 83 jyl, 4 aıǵa teń keledi) jasaǵan ǵıbadatqa teń ekendigi aıtylǵan.

Múbárak aı ishindegi bereketti, saýaby mol, duǵa-tilek qabyl bolatyn túndi árbir musylman qulshylyqpen ótkizeri shúbásiz.

Ramazan aıynan keıin,qyrkúıektiń 9, 10, 11-i kúnderi aıt merekesi bolady. Aıt namazy Astana meshitterinde tańerteńgi saǵat 7.00-de oqylady.