Qyrkúıektiń 16-sy kúni QR TJM qurylymdarynyń EQYU sammıti men Azıadaǵa daıyndyq boıynsha arnaıy taktıkalyq oqý-jattyǵýlary ótedi
STANA. Qyrkúıektiń 14-i. QazAqparat /Gúlmıra Álıakparova/ - Qyrkúıektiń 16-sy kúni Astanadaǵy Táýelsizdik saraıynyń alańynda QR Tótenshe jaǵdaılar mınıstri Vladımır Bojkonyń qatysýymen EQYU sammıti men 2011 jylǵy Azıadaǵa daıyndyq boıynsha arnaıy taktıkalyq oqý-jattyǵýlar bastalady.
QR TJM-nan málim etkendeı, arnaıy taktıkalyq oqý-jattyǵýlar«Qazqutqarý-2010» qutqarý bólimsheleriniń 15-halyqaralyq jıyn - semınary sheńberinde uıymdastyrylyp otyr.
Táýelsizdik saraıy alańyndaǵy jalpy jıynnan keıin oqý-jattyǵýlar Astana men Almaty qalalarynda jáne Almaty oblysynda EQYU sammıti men 7-shi Qysqy Azııa oıyndaryna qatystyrylatyn nysandarda jalǵasady.
Oqý-jattyǵýlardyń negizgi maqsaty: EQYU sammıti jáne Azıada obektilerinde qaýipsizdikti qamtamasyz etý úshin aýdandardy, oryndar men qozǵalys baǵyttaryn tanyp-bilý sondaı-aq, sammıt pen Azıada nysandarynda apatty-qutqarý kásibı qyzmetteri men qurylymdaryn ornalastyrý, adamdardy qutqarý jáne olarǵa medıtsınalyq jáne basqa da qajetti kómek kórsetý boıynsha is-qımyldardy pysyqtaý.
