Qyrkúıekten bastap tabıǵatty qorǵaý ınspektorlaryna qosymsha aqy tólenedi

ASTANA. QazAqparat – Ekologııa jáne tabıǵı resýrstar mınıstri Zúlfııa Súleımenova ómirine jáne densaýlyǵyna qaýip tóndiretin jumys atqaratyn tabıǵatty qorǵaý ınspektorlaryna qosymsha aqy tóleýdi kózdeıtin buıryqqa qol qoıdy, dep habarlaıdy QazAqparat tilshisi.

«QR Memlekettik orman kúzeti qyzmetteriniń, tabıǵat qorǵaý mekemeleriniń memlekettik ınspektorlarynyń jáne janýarlar dúnıesin qorǵaý, ormandardy qorǵaý, ósimin molaıtý jáne orman paıdalaný jónindegi mamandandyrylǵan uıymdardyń ınspektorlarynyń, balyq sharýashylyǵy sý aıdyndary nemese ýchaskelerin balyqtandyrý boıynsha ósimin molaıtý kesheniniń memlekettik kásiporyndarynyń qyzmetkerlerine densaýlyqqa jáne ómirge zııan keltirý qaýpimen baılanysty jumys úshin laýazymdyq aqydan 100% mólsherde qosymsha aqy tólensin», - delingen mınıstr qol qoıǵan buıryqta.

Qujat jarııalanǵannan keıin 10 kún ótip baryp, 2 qyrkúıekte kúshine enedi.