Qyrkúıekten bastap oqýshylar men ata-analar úshin uıaly baılanys tegin bolmaq
ASTANA. QazAqparat - Qyrkúıekten bastap «Jas Ulan» biryńǵaı balalar uıymyna múshe mektep oqýshylary úshin uıaly baılanys tegin bolady. Búgin Astanada atalmysh uıym men «Kar-Tel» uıaly baılanys operatory arasynda tıisti memorandýmǵa qol qoıyldy.
Uıym basshysy Danııar Shámilovtiń aıtýynsha, «Jas Ulanǵa» el boıynsha 1,5 mln. mektep oqýshysy múshe bolyp tabylady. Endi olardyń barlyǵy «Bılaın» uıaly baılanysymen qamtamasyz etilmek.
«Tarıfke keletin bolsaq, ol jeli ishinde tegin bolady. Ózge operatorlarǵa qońyraý shalý tómen baǵamen júzege asyrylady. Internetke kirý óte arzan, al eń tanymal áleýmettik jelilerdi paıdalaný tipti tegin», - deıdi ol.
Bul bastamany «Jas Ulan» belsendileri oılap taýypty. «Bılaın» jelisiniń basshylyǵy bolsa, buny jerde qaldyrmaı, óz deńgeıinde qoldaǵan.
«Bılaın» usynǵan arnaıy tarıfteri bar nómirler árbir mekteptegi «Jas Ulan» uıymynyń bólimsheleri arqyly barlyq múshe oqýshylarǵa jáne olardyń ata-analaryna tegin taratylady.
