Qyrkúıekten bastap barlyq zııatkerlik mektepter balalardy 7- synyptan bastap qabyldaıdy

Bul týraly búgin 2010 jyly atqarylǵan jumystardyń qorytyndysymen tanystyrǵan «Nazarbaev zııatkerlik mektepteri» aktsıonerlik qoǵamynyń Basqarma tóraıymy Kúlásh Shámshıdınova málim etti.

Onyń aıtýynsha, 2010 jyly aktsıonerlik qoǵam ókilderi kóptegen shet memleketterdiń ozyq tájirıbelerin saraptaǵan. Saraptaý jumystarynyń nátıjesi fızıka, hımııa, bıologııa jáne matematıka salalary boıynsha daryndy balalardy 12 jastan bastap tańdaý qajettigin kórsetken. «Sondyqtan biz elimizdegi barlyq zııatkerlik mektepterde balalardy 7-synyptan bastap qabyldaý jóninde Elbasy men Úkimetke usynys jasadyq. Balalardy qabyldaý konkýrstyq tańdaý negizinde júzege asady. Osyǵan qaraı qazir eki bilim berý úlgisin engizý kózdelip otyr. Onyń birinshisi yqpaldastyrylǵan jáne eksperımentti bilim berý baǵdarlamalaryn engizýdi qarastyrady. Onyń aıasynda biz ulttyq jáne sheteldik tájirıbeni qoldanýdy kózdep otyrmyz. Atalmysh bilim berý úlgisi eki túrli qurylym boıynsha engiziledi»,-dedi Basqarma tóraıymy.

Onyń sózinshe, birinshi qurylym Taldyqorǵanda júzege asyrylady. «Biz ondaǵy mektepte 3 jastan bastap mektepke deıingi bilim berýi júıesin engizip, al mektepte 1-den 12-synypqa deıin tárbıeleýdi jón kórip otyrmyz. Bul júıe mektepke deıingi mekemeden bastap bastaýysh mektep, negizgi mektep jáne joǵary mektep satylary boıynsha úzdiksiz bilim berýdi qamtamasyz etedi. Al Astana, Almaty, Semeı qalalary men elimizdiń ózge oblys ortalyqtarynda jumys isteıtin barlyǵy 18 zııatkerlik mektepte bul júıe 7-synyptan bastap engiziledi. ıAǵnı osy júıe negizgi jáne joǵary mektepterde qoldanylatyn bolady. Sondaı-aq Astanadaǵy bir zııatkerlik mektepte halyqaralyq bakalavrıat baǵdarlamasy paıdalanylatyn bolady. Bul búkil álem moıyndaǵan ozyq bilim berý júıesi»,-dedi Kúlásh Shámshıdınova.