Qyrkúıekte kúnkóristiń eń tómengi deńgeıi 18 048 teńgeni qurady - Statıstıka
ASTANA. 1 qazan. QazAqparat - Aǵymdaǵy jyldyń qyrkúıek aıynda kúnkóristiń eń tómengi deńgeıiniń shamasy 18 048 teńgeni qurady,
dep habarlady QR Statıstıka agenttiginiń baspasóz qyzmetinen.
Negizgi tamaq ónimderin tutynýdyń eń tómengi normalarynan eseptelgen orta eseppen halyqtyń jan basyna shaqqandaǵy kúnkóristiń eń tómengi deńgeıiniń shamasy 2012 jylǵy qyrkúıekte ótken aımen salystyrǵanda ózgergen joq. Al ótken jyldyń qyrkúıegimen salystyrǵanda 7,1 paıyzǵa ósti. Onyń qurylymynda et pen balyqty satyp alýǵa jumsalǵan shyǵystardyń úlesi 21,8, sút, maı jáne toń maı ónimderi men jumyrtqaǵa - 14,4, jemister men kókónisterge - 14, nan jáne jarma ónimderine - 7,1, qant, shaı jáne dámdeýishterge 2 paıyzdy qurady.
