Qyrkúıekte kún jyly bolady – sınoptıkter
NUR-SULTAN. QazAqparat – «Qazgıdromet» RMK dırektory Danara Álimbaeva aldaǵy qyrkúıek aıynda elimizde kún jyly bolatynyn málim etti, dep habarlaıdy QazAqparat tilshisi.
«Aldyn ala jasalǵan boljamǵa sáıkes, elimizde qyrkúıekte kún jyly bolady. Elimizdiń basym bóliginde, Qazaqstannyń soltústiginde, batysta, ońtústik-batysta jaýyn-shashyn qalyptan az bolatyny kútilýde. Qyrkúıekke qatysty tolyqqandy boljam 15 tamyzda jarııalanady», - dedi Danara Álimbaeva OKQ-da ótken baspasóz máslıhatynda.
Eske sala ketsek buǵan deıin Danara Álimbaeva aldaǵy demalys kúnderi aýa raıy qandaı bolatynyna qatysty boljamymen bólisken bolatyn. Sondaı-aq ol tamyz aıynyń aýa raıy boljamyn jarııalady.
