Qyrkúıekte Qazaqstannyń halyqaralyq rezervteri 96,1 mlrd. AQSh dollaryn qurady

QR Ulttyq bankiniń baspasóz qyzmetinen habarlaǵandaı, 2015 jylǵy qyrkúıekte Ulttyq Banktiń jalpy halyqaralyq rezervteri 28,2 mlrd. AQSh dollaryn qurady. Ulttyq Banktiń taza halyqaralyq rezervteri 27,4 mlrd. AQSh dollaryn qurady. 2015 jylǵy qyrkúıekte tutastaı alǵanda eldiń halyqaralyq rezervteri Ulttyq qordyń shetel valıýtasyndaǵy aktıvterin (67,9 mlrd. AQSh dollary) qosa alǵanda, 96,1 mlrd. AQSh dollaryn qurady. 2015 jylǵy qyrkúıektiń qorytyndysy boıynsha aqsha bazasy 7,8%-ǵa keńeıip, 4644,3 mlrd. teńge boldy (jyldyń basynan beri 36,1%-ǵa keńeıý). Tar aqsha bazasy, ıaǵnı ekinshi deńgeıdegi bankterdiń Ulttyq Banktegi merzimdi depozıtterin eseptemegendegi aqsha bazasy 4535,9 mlrd. teńgege deıin 8,7%-ǵa keńeıdi. 2015 jylǵy tamyzda aqsha massasy 14391,7 mlrd. teńgege deıin 11,2%-ǵa (jyl basynan beri 12,3%-ǵa ulǵaıý), aınalystaǵy qolma aqsha - 1186,2 mlrd. teńgege deıin 4,5%-ǵa (jyl basynan beri 5,7%-ǵa ulǵaıý), bank júıesindegi depozıtter - 13205,5 mlrd. teńgege deıin 11,9%-ǵa (jyl basynan 12,9%-ǵa ulǵaıý) ulǵaıdy. Aqsha massasynyń qurylymyndaǵy depozıtterdiń úlesi depozıtter kólemi qarqynynyń 2015 jylǵy qańtar-tamyzda tirkelgen aınalystaǵy qolma-qol aqshanyń ósý qarqynymen salystyrǵanda údemeli ósýi saldarynan 2014 jylǵy jeltoqsandaǵy 91,2%-dan 2015 jylǵy tamyzda 91,8%-ǵa deıin ósti. Aqsha mýltıplıkatory aqsha massasynyń ósýi qarqynymen salystyrǵanda aqsha bazasynyń keńeıýiniń údemeli qarqyny saldarynan 3,34-ti qurady.