Qyrkúıekte Qazaqstan shekarasynda tek shekara jáne kedendik qyzmet qalýy múmkin

ASTANA. 18 maýsym. QazAqparat - Qyrkúıekte Qazaqstan shekarasynda tek shekara jáne kedendiq qyzmet qana qalýy múmkin.

Bul týraly búgin QR Qarjy mınıstrligi Kedendik baqylaý komıteti janyndaǵy Konsýltatsııalyq keńestiń otyrysy barysynda atalǵan vedomstvonyń basshysy Májıt Esenbaev málim etti.

Kedendik baqylaý komıteti tóraǵasynyń atap ótýinshe, bul másele birazdan beri kún tártibine shyǵarylyp keledi ári aǵymdaǵy jyldyń qyrkúıeginen bastap shekarada tek shekara jáne kedendiq qyzmet qana qalýy múmkin. Al qalǵan barlyq memlekettik organdar ózderiniń bólimshelerimen kedendik shekaradan ketip, júktelgen quzyretterin Kedendik baqylaý komıtetine beredi. Bul baǵyttaǵy jumystar jan-jaqty júrgizilýde.

«Meniń oıymsha, bul on nátıje berýi kerek», - dedi ol.