Qyrkúıekte qansha sheteldik Qazaqstanda turaqtap qalýǵa ótinim berdi

ASTANA. QazAqparat – Qyrkúıek aıynyń 1-24 kúnderi aralyǵynda 896 sheteldik Qazaqstanda turaqty turý yqtııarhatyn alýǵa ótinim berdi. Bul týraly QR ІІM Kóshi-qon komıteti tóraǵasynyń mindetin atqarýshy Aslan Atalyqov aıtty, dep habarlaıdy QazAqparat tilshisi.

«Osy jyldyń 1 men 24 qyrkúıegi aralyǵynda 896 myń shetel azamaty turaqty turý yqtııarhatyn alýǵa júgindi. Onyń ishinde Reseı Federatsııasynyń 115 azamaty bar. Іshki ister mınıstriniń buıryǵymen belgilengen tártippen jáne sheteldikterdiń quqyqtyq jaǵdaıy týraly zańǵa sáıkes ruqsat alǵan sheteldikter Qazaqstan Respýblıkasynda turaqty turýshy dep tanylady», - dedi Aslan Atalyqov ІІM baspasóz qyzmetindegi brıfıng barysynda.

Onyń atap ótýinshe, kez kelgen sheteldiń azamattyń zańdy negizde turaqty turý yqtııarhatyn alý úshin ótinim bere alady.

«Eger ol munda zańsyz kelse, árıne, turýǵa ruqsat alý týraly sóz de bolmaıdy. Osynda qalýǵa ruqsat alýdyń barlyq negizderi Kóshi-qon týraly zańnyń 49-babynda egjeı-tegjeıli jazylǵan. Turaqty turýǵa ruqsat berýden bas tartqan jaǵdaıda sheteldik 30 kún ishinde Qazaqstannan tys jerge ketýge tıis. Al ruqsat berý týraly oń sheshim qabyldanǵan jaǵdaıda sheteldik turýǵa yqtııarhat rásimdeıdi. Onyń merzimi ulttyq pasportynyń qoldanylý merzimimen belgilenedi», - dep túsindirdi ol.