Qyrkúıekte Germanııaǵa 83 myńnan astam zańsyz mıgrant kelgen
ASTANA. QazAqparat - Qyrkúıek aıynyń basynan beri Germanııaǵa Avstrııa shekarasy arqyly ótip kelgen bosqyndar sany 83 myń adamǵa jetti, dep habarlady dúısenbi kúni RIA Novostı agenttigine federaldyq polıtsııanyń ókili.
Germanııada bul vedomstvo shekaralyq baqylaýmen aınalysady.
«Federaldyq polıtsııa aı basynan beri german-avstrııalyq shekara arqyly 83 myńnan astam mıgrant ótkenin anyqtaǵan, sonyń ishinde 30 myńy - tek ótken aptada tirkeldi», - dedi ókil.
2015 jyldyń basynan beri Eýroodaq aýmaǵyna 500-ge jýyq mıgrant keldi, kún saıyn olardyń qatary jańa kelgen myńdaǵan adammen tolyp otyr. Eýrokomıssııa álemdegi qazirgi mıgratsııalyq daǵdarys Ekinshi dúnıejúzilik soǵys ýaqytynan beri eń iri bolyp tabylatynyn málimdedi. Foto: © AFP 2015/ Patrick Pleul
