Qyrkúıekte eń tómengi kúnkóris deńgeıi 23 myń teńgeden sál astamdy qurady
ASTANA. QazAqparat - Qazaqstanda 2016 jylǵy qyrkúıekte kúnkóristiń eń tómengi deńgeıiniń shamasy 23 191 teńgeni qurady.
Bul týraly primeminister.kz saıtynda habarlandy.
Negizgi tamaq ónimderin tutynýdyń eń tómengi normalarynan eseptelgen orta eseppen halyqtyń jan basyna shaqqandaǵy kúnkóristiń eń tómengi deńgeıiniń shamasy 2016 jylǵy qyrkúıekte ótken aımen salystyrǵanda 1,7%-ǵa tómendedi, 2015 jylǵy qyrkúıekpen - 13,4%-ǵa joǵarylady.
QR UEM málimetinshe, onyń qurylymynda et pen balyqty satyp alýǵa jumsalǵan shyǵystardyń úlesi 19,1%, sút, maı jáne toń maı ónimderi men jumyrtqany - 15,4%, jemister men kókónisterdi - 14,7%, nan jáne jarma ónimderin - 8,2%, qant, shaı jáne dámdeýishterdi - 2,6%-dy qurady.
