Qyrkúıekte eń tómen kúnkóris deńgeıi qansha boldy
ASTANA. QazAqparat - 2018 jylǵy qyrkúıekte eń tómen kúnkóris deńgeıiniń shamasy 28 690 teńgeni qurady. Bul jaıynda QR Ulttyq ekonomıka mınıstrliginiń baspasóz qyzmetinen málim etti, dep habarlaıdy QazAqparat tilshisi.
Vedomstvo málimetinshe, negizgi tamaq ónimderin tutynýdyń eń tómengi normalarynan eseptelgen orta eseppen halyqtyń jan basyna shaqqandaǵy eń tómen kúnkóris deńgeıiniń shamasy 2018 jylǵy qyrkúıekte ótken aımen salystyrǵanda 1,6 paıyzǵa tómendedi, al 2017 jylǵy jeltoqsanmen salystyrǵanda 12,1 paıyzǵa joǵarylady. Onyń qurylymynda et pen balyqty satyp alýǵa jumsalǵan shyǵystardyń úlesi - 18,6, sút, toń maı ónimderi men jumyrtqaǵa - 14,3, jemister men kókónisterge - 13,3, nan jáne jarma ónimderine - 6,8, qant, shaı jáne dámdeýishterge 2 paıyz boldy.
Naqtyraq aıtqanda, qyrkúıektegi orta eseppen halyqtyń jan basyna shaqqandaǵy kúnkóris deńgeıi 29690 teńgeni qurasa onyń 15780 teńgesi azyq-túlikke, al 12910 teńgesi azyq-túlik emes taýarlar men kórsetiletin qyzmetterge jumsalǵan. Al 0-13 jastaǵy balalar úshin eń tómengi kúnkóris deńgeıiniń shamasy 25565 teńge boldy. Atalǵan somanyń 14060 teńgesi azyq-túlikke, al 11505 teńgesi azyq-túlik emes taýarlar men kórsetiletin qyzmetterge jaratylady. 14-17 jastaǵy jasóspirimderdiń aılyq eń tómengi kúnkóris deńgeıiniń shamasy birshama joǵary, jigitterge 35702 teńgeni, al qyzdarǵa 27356 teńgeni qurasa, 18 jastan eńbekke qabiletti erlerde 33634 teńge, áıelderde 26683 teńge bolyp otyr. Zeınetkerler men qart adamdardyń eń tómengi kúnkóris deńgeıiniń shamasy 269508 teńgeni quraǵan.
