Qyrkúıekte elimizdegi jumyssyzdyq deńgeıi 5,2 paıyzdy qurady

ASTANA. 12 qazan. QazAqparat - Respýblıka ekonomıkasynda 2013 jylǵy qyrkúıekte baǵalaý boıynsha, 8,6 mln. adam jumyspen qamtyldy. Bul týraly búgin brıfıng barysynda QR Statıstka agenttiginń tóraǵasy Álıhan Smaıylov málim etti.

Onyń atap ótýinshe, ótken jylǵy sáıkes kezeńge qaraǵanda olardyń sany 72,0 myń adamǵa nemese 0,8 paıyzǵa kóbeıdi. Jaldamaly qyzmetkerlerdiń sany atalǵan kezeńde 6,0 mln. adamdy (jumyspen qamtylǵandardyń jalpy sanynan 69,5%) qurady.

2013 jylǵy qyrkúıekte jumyssyzdar sany, baǵalaý boıynsha 468,5 myń adamdy, jumyssyzdyq deńgeıi 5,2 paıyzdy qurady. Qazaqstan Respýblıkasy Eńbek jáne halyqty áleýmettik qorǵaý mınıstrliginiń jumyspen qamtý organdarynda 2013 jylǵy qyrkúıek aıynyń sońyna 51,7 myń adam («Jumyspen qamtý 2020 jol kartasy» baǵdarlamasyna qatysatyndar quramyna engizilgen tulǵalardyń esebinsiz) resmı tirkelgen. Tirkelgen jumyssyzdar úlesi ekonomıkalyq turǵydan belsendi halyqtyń 0,6 paıyzyn qurady (2012 jylǵy qyrkúıekte - 0,6%).