Qyrkúıekte elimizdegi ınflıatsııa 1 paıyzdy qurady
ASTANA. QazAqparat - 2015 jylǵy qyrkúıekte Qazaqstan Respýblıkasynda ınflıatsııa 1 paıyzdy qurady. Atap aıtqanda, esepti kezeńde baǵa azyq-túlik taýarlaryna ótken aıda 0,6 paıyz, aqyly qyzmetterge - 0,7 paıyz, azyq-túlik emes taýarlaryna - 2 paıyzǵa ósken.
Ulttyq ekonomıka mınıstrligi Statıstıka komıtetiniń málimetterine qaraǵanda, ótken aıda baǵanyń ósýi bananǵa 15,8 paıyz, qantqa - 13,4 paıyz, jumyrtqaǵa - 10,8 paıyz, apelsınge - 6 paıyz, keptirilgen jemister men jańǵaqtarǵa - 5,1 paıyz, lımonǵa - 3,5 paıyz, qus etine - 2,8 paıyzdy quraǵan. Budan bólek, baǵanyń balyq jáne teńiz ónimderine - 2 paıyz, kofe, shaı jáne kakaoǵa - 1,7 paıyz, kúnbaǵys maıyna - 1,6 paıyz, kúrishke - 1,4 paıyz, jemis jáne kókónis shyryndaryna - 1,3 paıyzǵa, pasterlengen, konservilengen sútke, máıekti irimshikke - 1,1 paıyzdan, záıtún maıyna - 0,9 paıyz, shıki sútke - 0,8 paıyz, jarmalarǵa - 0,7 paıyzǵa, toqash jáne unnan daıyndalatyn ónimderge, qyshqyl sút ónimderine, súzbege, kondıterlik ónimderge - 0,6 paıyzdan óskeni belgilendi.
Sonymen bir mezgilde baǵanyń tómendeýi jańa jınalǵan kókónisterge 10,9 paıyz, kartopqa - 8,9 paıyz, júzimge - 7 paıyz, almurtqa - 3,4 paıyz, almaǵa - 1,6 paıyzǵa tirkelip otyr.
Budan bólek, avtomobılder 3,7 paıyzǵa, farmatsevtıkalyq ónimder - 2 paıyzǵa, jıhaz jáne úıge qajetti zattary - 1,8 paıyzǵa, kıim jáne aıaq kıim, jýǵysh jáne tazalaǵysh quraldarǵa, keńse taýarlary men syzý quraldaryna - 1 paıyzdan qymbattaǵan. Benzın 13,2 paıyzǵa, dızel otyny - 1,1 paıyzǵa qymbattady.
«Sonymen qatar, baǵa deńgeıi bilim berý qyzmetterine 2,3 paıyz, keshendi demalystardy uıymdastyrý - 1,6 paıyzǵa, qonaq úıler, oıyn-saýyq jáne mádenıet salasyndaǵy - 0,5 paıyzǵa ósse, alys qashyqtyqqa qatynaıtyn jolaýshylardyń temir jol kóligimen jol júrý aqysy 8,6%-ǵa qymbattap, áýe kóligimen qatynaý kerisinshe 4,4 paıyzǵa arzandaǵan. Turǵyn úı-kommýnaldy qyzmetter salasynda tarıfter taratý jelileri boıynsha tasymaldanatyn gazǵa baǵa 3,4 paıyz, sýyq sýǵa - 2,2 paıyz, turǵyn úıdi kútip ustaýǵa - 0,6 paıyz, elektr energııasyna - 0,4 paıyzǵa, qoqys shyǵarý, kárizge - 0,3 paıyzdan joǵarylady», - delingen baspasóz baıanynda.
