Qyrkúıekte brıtandyq «Heılıberı Astana» mektebi esigin aıqara ashpaq
ASTANA. 8 sáýir. QazAqparat /Marlan Jıembaı/ - Qyrkúıekte brıtandyq «Heılıberı Astana» mektebi esigin aıqara ashpaq. Bul týraly keshe atalǵan bilim oshaǵynyń tusaýkeserine arnalǵan jıyn barysynda málim boldy.
Negizinen halyqaralyq standart boıynsha taza aǵylshyn tilinde bilim beretin mekteptiń oqý baǵdarlamasynda qazaq, orys, frantsýz tilderi de qamtylǵan. Sondaı-aq bilim oshaǵynyń basshylyǵynyń atap ótýine qaraǵanda, oqýshylar qazaq tarıhy men mádenıetinen de sýsyndaıtyn bolady. Dáristi otandyq jáne sheteldik bilikti oqytýshylar beredi.
Mektep aǵymdaǵy jyldyń qyrkúıeginen bastap 3-4 jastaǵy balalar úshin daıyndyq synyptaryn ashýdy josparlap otyr. Mektep 640 oqýshyny qabyldaýǵa qabiletti.
«Bul mekteptiń ashylýy - bizdiń elimizdiń ıntellektýaldyq áleýetiniń, ǵylym men biliminiń damý bolashaǵy», - dep atap ótti QR Bilim jáne ǵylym mınıstri Baqytjan Jumaǵulov jobanyń tusaýkeser rásiminde.
Mektep qamqorshylyq keńesi músheleriniń atap ótýine qaraǵanda, joba jeke qarjy esebinen júzege asyrylý ústinde. Jalpy quny shamamen 50 mln. AQSh dollaryn quraıdy. Bilim alý - aqyly. Degenmen óte talanantty balalarǵa arnaıy grant qarastyrý josparlanyp otyr.
