Qyrkúıekte azyq-túlik baǵasy byltyrǵy jylmen salystyrǵanda 6,5 paıyzǵa artty - Statıstıka agenttigi
ASTANA. Qazannyń 2-ci. QazAqparat - 2010 jyldyń qyrkúıek aıynda elimizdegi azyq-túlik taýarlarynyń baǵasy 2009 jyldyń qyrkúıegimen salystyrǵanda 6,5 paıyzǵa ósti.
Bul týraly QazAqparat Statıstıka agenttiginiń baspasóz qyzmetine silteme jasap habarlaıdy.
Agenttik málimetterine qaraǵanda, aǵymdaǵy jylǵy qyrkúıekte ótken jylǵy tıisti aımen salystyrǵanda baǵa qantqa 16,4 paıyz, kofe, shaı jáne kakaoǵa - 12,7 paıyz, maı jáne toń maıǵa - 10,9 paıyz, kondıterlik ónimderge - 8,3 paıyzǵa ósken. Sonymen qatar, sút ónimderiniń baǵasy - 8,1 paıyzǵa, toqash pen un ónimderine, alkogoldi ishimdikterge - 5 paıyzdan, jemister men kókónisterge - 4,4 paıyz, jarmaǵa - 2,1 paıyzǵa óskeni tirkelgen. Al baǵanyń tómendeýi unǵa 13,7 paıyzdy, makaron ónimderine - 1,8 paıyzdy, nanǵa - 1,5 paıyzdy quraǵan. Budan bólek, esepti kezeńde et jáne et ónimderi baǵasynyń ósimi 10,9 paıyz deńgeıinde boldy. Atap aıtqanda, qoı etine baǵa deńgeıi 9,4 paıyz, shujyq ónimderine - 8 paıyz, shoshqa etine - 7,6 paıyz, qus etine - 6,9 paıyz, jylqy etine - 4,1 paıyzǵa joǵarylady.
