Qyrkúıek sońynda respýblıkanyń soltústiginde qar jaýýy yqtımal
ASTANA. QazAqparat - Eldiń batysynda belsendi tsıklonnyń yqpalymen taıaý úsh kúnde aýa raıynyń turaqsyzdyǵy saqtalady. Soltústik-batystan jel 15-20 m/s-qa kúsheıedi.
«Qazgıdromet» RMK atap ótkendeı, aýa temperatýrasy kúndiz 15...23-ten 23...28 deıin jyly bolady. Qalǵan aýmaq ta antıtsıklon yqpalynda bolady, sondyqtan jaýyn-shashynsyz jyly aýa raıy saqtalady. Bul rette eldiń shyǵysy men ortalyǵynda túnde 0°S-qa deıin tómendep, kúndiz 20-28 sheginde bolady. Ońtústik pen ońtústik-shyǵysta 30...37 deıin jyly bolady. Kelesi aptada batystan shyǵysqa belsendi tsıklonnyń ótýimen ótkinshi jaýyn jaýady, jel 15-20 m/s-qa jetedi. 10-13 qyrkúıek aralyǵynda Taımyr aýdandarynan sýyq aýa aǵynyna baılanysty temperatýra eleýli tómendeıdi dep kútilýde. SQO, Qostanaı, Aqmola, Pavlodar, ShQO-da túnde kún sýytyp, kúndiz 15-20 gradýs jyly bolady.
Uzaqmerzimdi boljamǵa sáıkes úshinshi onkúndikte kún sýyta túsedi. Onkúndik sońynda ótkinshi jyly aýa raıy almasyp otyrady. Soltústik aýdandarda jaýyn-shashyn bolyp, jylbysqy qar jaýýy yqtımal.
Aıda ortasha aýa temperatýrasy BQO, Atyraý Mańǵystaý, Aqtóbe, Qyzylorda, OQO, Jambyl oblystarynda saqtalyp, normaǵa jýyq bolady. Al qalǵandarynda normadan joǵary. Jaýyn-shashyn BQO, Atyraý, Qostanaı, Aqtóbe, SQO-da normadan joǵary, ShQO-da, Qyzylordanyń basym bóliginde, Mańǵystaý, Qaraǵandy, OQO jekelegen aýdandarynda, Jambyl oblystarynda normadan tómen, qalǵan aýmaqta normaǵa jýyq bolady.
