Qyrkúıek aıynda kúnkóristiń eń tómengi deńgeıi 16 myń 844 teńgeni qurady

Bul týraly QR Statıstıka agenttiginiń baspasóz qyzmetinen habarlady.

Negizgi tamaq ónimderin tutynýdyń eń tómengi normalarynan eseptelgen orta eseppen halyqtyń jan basyna shaqqandaǵy kúnkóristiń eń tómengi deńgeıiniń shamasy 2011 jylǵy qyrkúıekte ótken aımen salystyrǵanda 2,8 paıyzǵa azaıǵan.

«Degenmen, bul kórsetkish 2010 jylǵy qyrkúıekten 17,4 paıyzǵa artyq. Onyń qurylymynda et pen balyqty satyp alýǵa jumsalǵan shyǵystardyń úlesi 20,3 paıyz, sút, maı jáne toń maı ónimderi men jumyrtqany satyp alý 14,8 paıyz, jemister men kókónister - 14,6 paıyzdy, nan jáne jarma ónimderi - 7,7 paıyzdy, qant, shaı jáne dámdeýishter 2,6 paıyzdy qurady», - delingen baspasóz aıǵaǵynda.