Qyrkúıek aıynda iri jáne orta kásiporyndar men uıymdarǵa 89,2 myń adam qabyldanyp, túrli sebeptermen 79,1 myń adam shyǵyp qalǵan
ASTANA. Qazannyń 12-i. QazAqparat /Aıdar Ospanalıev/ - Statıstıka agenttiginiń jedel málimetterine qaraǵanda, aǵymdaǵy jyldyń qyrkúıek aıynda iri jáne orta kásiporyndar men uıymdarǵa 89,2 myń adam qabyldanyp, túrli sebeptermen 79,1 myń adam shyǵyp qalǵan.
Sondaı-aq agenttik derekteri boıynsha, osy kásiporyndar men uıymdardan óz erkimen jumystan bosatylǵandar 85,2 paıyzdy qurap otyr. Jumysshylar sanyn qysqartýmen baılanysty 1,7 adam jumyssyz qalyp, ózge sebeptermen 13,1 paıyz adam qysqartylǵan.
Bıylǵy qyrkúıekte azamattardy jumysqa qabyldaý koefıtsıenti 3,0 paıyzdy qurasa, azamattardy jumystan bosatý koefıtsıenti 2,6 paıyzǵa jetken. Al kadrlardyń turaqsyzdyǵymen baılanysty koefıtsıent 2,3 paıyz bolyp otyr. Qyrkúıek aıynda bosatylǵan adamdardyń 112,8 paıyzy jańa kadrlarmen jasaqtaldy.
