Qyrkúıek aıynda ınflıatsııa 0,6 paıyzdy qurady - Statıstıka agenttigi
ASTANA. Qazannyń 1-i. QazAqparat /Qanat Mámetqazyuly/ - Elimizde 2010 jyldyń qyrkúıek aıyndaǵy ınflıatsııa deńgeıi 0,6 paıyzdy qurady.
Bul týraly QazAqparat Statıstıka agenttiginiń baspasóz qyzmetine silteme jasap habarlaıdy.
Agenttik málimetterine qaraǵanda, ótken aıda baǵa azyq-túlik taýarlaryna - 0,4 paıyz, azyq-túlik emes taýarlaryna - 0,5, aqyly qyzmet kórsetýlerge 0,8 paıyzǵa ósken. Atap aıtqanda esepti kezeńde baǵanyń ósýi nan jáne jarma ónimderine - 0,9, al qaraqumyq jarmasyna - 8,5, unǵa - 3,6, kúrishke - 0,5, nanǵa 0,2 paıyzǵa belgilendi. Baǵa deńgeıi ósimdik maıyna - 5,9, sút ónimderine, jumyrtqaǵa - 1,1, et jáne qus etine - 0,9, kofe, shaı jáne kakaoǵa - 0,6, balyq jáne teńiz ónimderine 0,4 paıyzǵa joǵarylaǵan. Sonymen bir mezgilde, baǵanyń tómendeýi kartopqa 4,4, jańadan jınalǵan jemister men kókónisterge 3,6 paıyzǵa tirkelgen.
Bulardan bólek, baǵa deńgeıi bilim berý qyzmetterine 5,9, jolaýshylardyń jergilikti avtobýs kóligine - 2,9, medıtsına qyzmetterine 0,3 paıyzǵa joǵarylap, al jolaýshylardyń temir jol kóligi 1 paıyzǵa tómendedi.
Turǵyn úı kommýnaldyq qyzmet kórsetýler salasynda tarıfter ystyq sýǵa 1, bólinetin jeliler boıynsha tasymaldanatyn gazǵa 0,4 paıyzǵa ósken, al sýyq sýǵa - 0,6, kárizge 0,1 paıyzǵa tómendeýi tirkelgen.
