Qyrkúıek aıynda azyq-túlik baǵasy byltyrmen salystyrǵanda 12 paıyzǵa ósti - Statıstıka
ASTANA. 3 qazan. QazAqparat - 2011 jylǵy qyrkúıekte azyq-túlik taýarlarynyń baǵasy 2010 jylǵy qyrkúıekpen salystyrǵanda 12 paıyzǵa ósti.
Bul týraly QR Statıstıka agenttiginiń baspasóz qyzmetinen habarlandy.
Málimetterge qaraǵanda, 2011 jylǵy qyrkúıekte 2010 jylǵy tıisti aımen salystyrǵanda baǵa jarmaǵa 2,1 ese, maı jáne toń maıǵa - 19,4 paıyzǵa, unǵa - 18 paıyz, qantqa - 12,3 paıyz, sút ónimderine - 11 paıyz, makaron ónimderine - 10,5 paıyz, kondıterlik ónimderge - 8,5 paıyz, kofe, shaı jáne kakaoǵa - 7,5 paıyz, jemister men kókónisterge - 7,3 paıyz, alkogoldi ishimdikterge - 5,2 paıyz, nanǵa 4,9 paıyzǵa ósti. Sol sekildi atalǵan kezeńde et jáne et ónimderi baǵasynyń ósimi 18,1 paıyzdy quraǵan. Qoı etine baǵa deńgeıi 23,6 paıyz, jylqy etine - 15 paıyz, shujyq ónimderine - 10,8 paıyz, shoshqa etine - 7,5 paıyz, qus etine 6 paıyzǵa joǵary bolǵan.
