Qyrkúıek aıynda 95,6 myń adam jumysqa qabyldanyp, 88,9 myńy - shyǵaryldy
ASTANA. 12 qazan. QazAqparat - Jedel aqparattarǵa qaraǵanda, Qazaqstannyń iri jáne orta kásiporyndary men uıymdarynda 2012 jyldyń qyrkúıeginde 95,6 myń adam eńbekke qabyldansa,
ártúrli sebepterge oraı 88,9 myń adam jumystan shyqty. Bul týraly Statıstıka agenttiginiń baspasóz qyzmetinen habarlandy.
Qazaqstandaǵy iri jáne orta kásiporyndardaǵy jumys kúshiniń qozǵalysyna arnalǵan málimetterge oraı, jumystan shyǵyp qalǵan qyzmetkerlerdiń arasynda óz erkimen bosaǵandar 83,4 paıyzdy quraıdy. Al personaldar sanynyń qysqarýyna baılanysty jumystan ketkender 1,2 paıyzdy qurasa, basqa sebeppen jumystan bosaǵandar 15,4 paıyzdy quraıdy.
