Qyrkúıek aıyna deıin qaladaǵy negizgi joldar jóndeýden ótedi – Altaı Kólginov
«Jylda qala turǵyndarynyń sany artqan saıyn kólik keptelesi máselesi baıqalyp otyr. Sonymen qatar, qaladaǵy joldardyń sapasy ózekti bolyp tur. Qarajattyń basym bóligi elordanyń shetki aýmaqtaryndaǵy joldardy jóndeýge qarastyrylǵan. Qoǵamdyq kólik kóp júretin negizgi joldarda, ákimshilik ortalyq jáne adamdar kóp shoǵyrlanǵan jerlerde qaıta jóndeý eskerilgen. Jańa kópirdi de ashtyq», - dedi A. Kólginov elorda máslıhatynyń kezekten tys sessııasynda.
Onyń aıtýynsha, qyrkúıek aıyna deıin qaladaǵy negizgi joldar jóndeýden ótedi.
«Jańa oqý jyly bastalǵanǵa deıin kólik keptelisin barynsha azaıtý baǵytynda jumys istep jatyrmyz. Osy jospardy der kezinde iske asyrý qoǵamdyq kóliktiń qozǵalysyna oń áserin tıgizedi», - dedi ákim.
Budan buryn habarlanǵandaı, búgin elorda máslıhatynyń kezekten tys sessııasynda bıýdjetti naqtylaý máselesi qaraldy.
Altaı Kólginov qaladaǵy JEO-3 qurylysy boıynsha merdigerge qatań talaptar qoıylǵanyn aıtty.
