Qyrǵyzstannyń júk tasymaldaýshylary Qazaqstannyń kólik zańnamalaryn jıi buzýda - IDM
ASTANA. QazAqparat - Sońǵy kezderi qyrǵyz júk tasymaldaýshylarynyń Qazaqstan Respýblıkasynyń kólik zańnamalaryn buzý faktileri jıiledi, dep habarlaıdy Investıtsııalar jáne damý mınıstrliginiń baspasóz qyzmeti.
Baspasóz málimetterine qaraǵanda, 8 qarasha kúni saǵat 07:00-den 9 qarasha saǵat 07:00-ge deıin Qyrǵyzstannyń 136 avtokólik quraldaryn tekserý barysynda 15 ereje buzý jaǵdaılary anyqtaldy.
Naqtyraq aıtqanda, tekserý kezinde tez buzylatyn júkti halyqaralyq baǵytpen tasymaldaýǵa ruqsat beretin sertıfıkatsyz júrýdiń 3 faktisi, taýar-kólik júk qaǵazynsyz júrýdiń (CMR) 5 faktisi, salmaq-ólshem parametrleriniń buzylýynyń 4 faktisi, qaýipti júkti tasymaldaý erejeleriniń buzylýynyń 2 jaǵdaıy, kólik baqylaý beketterinde kólik baqylaý organdarynyń kólik quralyn toqtatý týraly zańdy talabyn oryndamaýdyń 1 deregi tirkeldi.
«Aıyppul jáne alymdardyń somasy 1 898 850 teńgeni qurady. Anyqtalǵan ereje buzýshylyqtar týraly aqparat Qyrǵyz Respýblıkasyna berildi»,-delingen baspasóz baıanynda.
