Qyrǵyzstannyń Jogorký Keneshi Atambaevty erekshe quqyǵynan aıyrdy
BІShKEK-NUR-SULTAN. QazAqparat - Jogorký Kenesh eks-prezıdent Almazbek Atambaevty eshkimniń tıispeýi jónindegi quqyǵynan aıyrý týraly sheshim qabyldady. Daýys berý ashyq túrde ótti. Bul týraly QazAqparat Kabar agenttigine silteme jasap habarlaıdy.
103 depýtat sheshimdi qoldap daýys berse, altaýy qarsy boldy. Daýys berýge barlyǵy 109 depýtat qatysty. Atalǵan sheshim bas prokýratýraǵa joldandy.
Komıssııa jumysynyń qorytyndysy boıynsha, Qyrǵyzstannyń burynǵy prezıdentine 6 epızod boıynsha aıyp taǵý týraly sheshim shyǵardy. Alaıda, Jogorký Keneshtiń Qylmys pen sybaılas jemqorlyqqa qarsy kúres komıteti Bas prokýratýranyń Almazbek Atambaevqa taǵyp otyrǵan 6 aıyptyń 5-ýine qatysy bar degen sheshimin qoldady.
Qyrǵyzstanyń burynǵy prezıdenti Almazbek Atambaevqa qazirgi tańda Qoı-Tash aýylynda jer telimin zańsyz aldy, qylmystyq álemniń serkesi A.Batýkaevty zańsyz bosatty, Sýbıhı Parhatıdiń «Forým» ǵımaratyn alaqtyq jolmen satty, Bishkek qalasyndaǵy JES-syn rekonstrýktsııalaý jumystary men oǵan kómir satyp alý jumystary boıynsha sybaılastyq áreketterge jol berdi degen aıyptar taǵylyp otyr.
Eske salsaq, buǵan deıin Qyrǵyzstannyń Jogorgý Keneshtiń depýtattary eldiń burynǵy prezıdenti Almazbek Atambaevty eshkimniń tıispeýi jónindegi quqyǵynan aıyrýdy usynǵan bolatyn.
Sondaı-aq, Atambaevqa taǵylǵan aıyptardy qaraý boıynsha arnaıy depýtattyq komıssııa quryldy.
