Qyrǵyzstannyń Jogorký Kenesh tóraǵalyǵyna Zaınıdın Qurmanov saılandy
BІShKEK. Jeltoqsannyń 24-i. QazAqparat /Evgenıı Novıkov/ - Búgin Qyrǵyzstannyń Jogorký Kenesh otyrysynda jasyryn daýys berý arqyly el parlamentiniń tóraǵalyǵyna Zaınıdın Qurmanov saılandy. Onyń kandıdatýrasyna 84 depýtat daýys berdi.
Burynǵy Jogorký Kenesh tóraǵasy Aıtybaı Taǵaev Qyrǵyz Respýblıkasynyń prezıdenti Qurmanbek Bakıevtiń 2009 jylǵy jeltoqsannyń 17-sinde jarlyǵymen memlekettik ákimshiliktiń basshysy - Batken oblysynyń gýbernatory bolyp taǵaıyndaldy.
Z.Qurmanov 1955 jylǵy maýsymnyń 3-inde Frýnze qalasynda týǵan. 1978 jyly - Jdanov atyndaǵy Lenıngrad memlekettik ýnıversıtetin, 1996 jyly - Qyrǵyz ulttyq memlekettik ýnıversıtetin, 2001 jyly Marshall Ortalyǵynyń Áskerı kolledjin (Germanııa) bitirgen.
2007 jyldan IV shaqyrylǵan Jogorký Kenesh depýtaty.
Tarıh ǵylymdarynyń doktory, professor. Qyrǵyz Respýblıkasynyń eńbek sińirgen qyzmetkeri. Qyrǵyz Respýblıkasynyń ІІ synypty Memlekettik keńesshisi.
