Qyrǵyzstannyń jańa úkimetiniń birinshi kezektegi maqsaty - quqyq tártibi men qaýipsizdikti qamtamasyz etý
BІShKEK. 22 jeltoqsan. QazAqparat /Arnur Rahymbekov/ - Qyrǵyz Respýblıkasynyń Premer-Mınıstri Almazbek Atambaev búgin Bishkekte respýblıkanyń kúsh-qýat qurylymdarynyń basshylarymen jumys keńesin ótkizdi.
Premer-Mınıstr óz sózinde, el konstıtýtsııasyna sáıkes, Úkimettiń azamattardyń quqyqtary men bostandyqtaryn qamtamasyz etý, qoǵamdyq tártipti kúzetý, qylmyspen kúresý jónindegi sharalardy júzege asyryp jatqanyn atap kórsetti. Úkimet sondaı-aq memlekettik egemendikti, aýmaqtyq tutastyqty, konstıtýtsııalyq qurylysty qorǵaý jónindegi sharalardy, eldiń qorǵanys qabiletin, ulttyq qaýipsizdik pen quqyq tártibin nyǵaıtý sharalaryn qamtamasyz etýde.
«Úkimettiń qyzmeti men múmkindigi tereńdeı jáne keńeıe túsip otyr. Bul - úkimettiń halyq aldyndaǵy jaýapkershiligi anaǵurlym artyp otyr degen sóz», - dep atap kórsetti Almazbek Atambaev óz sózinde.
Osynaý mindetterdi sheshý biraz ýaqytty qajet etetindigine qaramastan, organdardyń jumysqa dereý kirisýleri kerek ekenin atap kórsetken úkimet basshysy, osyǵan baılanysty kúsh-qýat qurylymdarynyń basshylaryna atalǵan konstıtýtsııalyq mindetterdi atqarý jaýapkershiligi júktelip otyrǵan vıtse-premer Shamıl Atahanovty tanystyrdy.
«Qysqa merzimniń ishinde biz reformalar baǵdarlamalaryn ázirleýimiz kerek. Bizdiń birinshi kezektegi mindetimiz - quqyq tártibi men azamattardyń qaýipsizdigin qamtamasyz etý», - dep atap kórsetti A.Atambaev.
