Qyrǵyzstannyń jańa Premer-Mınıstri qatań tártip ornatatynyn aıtty
BІShKEK. QazAqparat - Qyrǵyzstannyń burynǵy ekonomıka mınıstri Temır Sarıev eldiń Premer-Mınıstri bolyp taǵaıyndaldy.
Onyń kandıdatýrasyn talqylaý kezinde T.Sarıev mınıstrler kabınetinde tártip ornatatynyna, sonymen qatar Qyrǵyzstanda ádil parlamettik saılaý ótkizýge yqpaldasatynyna sóz berdi.
T.Sarıev úkimet qurylymyn ózgertýge ýaqyt tapshy ekenin, sondyqtan vakantty oryndarǵa ǵana mınıstrlerdi taǵaıyndaýmen shektelý sheshimi qabyldanǵanyn aıtty.
Osylaısha, qarjy mınıstri bolyp Sarıevtiń burynǵy orynbasary Adylbek Kasymalıev, ekonomıka mınıstri bolyp Sarıevtiń taǵy bir burynǵy orynbasary Oleg Pankratov, kólik jáne kommýnıkatsııa mınıstri bolyp Argynbek Malabaev taǵaıyndaldy.
T.Sarıevtiń kandıdatýrasyn 97 depýtat qoldap, ekeýi qarsy shyqty.
Eske sala keteıik, Qyrǵyzstannyń eks-premer-mınıstri Djoomart Otorbaev ótken aptada óziniń otstavkaǵa ketýin jarııalaǵan.
