Qyrǵyzstannyń jańa parlamentiniń birinshi otyrysy ótti
BІShKEK. 10 qarasha. QazAqparat /Arnur Rahymbekov/ - Búgin Bishkekte Joǵarǵy Keńes ulttyq parlamentiniń birinshi otyrysy bolyp ótti.
Besinshi shaqyrylymdaǵy parlament otyrysyna Qyrǵyzstan Prezıdenti Roza Otynbaeva men úkimettiń barlyq músheleri qatysty. Іs-shara basynda depýtattar 7 sáýirdegi oqıǵalarda kóz jumǵan qurbandardy bir mınýt únsizdikpen eske aldy.
Otyrysty «Atameken» partııasynyń ókili Tasbolat Baltabaev ashty. Sodan keıin bes parlamenttik fraktsııa músheleri Qyrǵyzstan Konstıtýtsııasyna ant berdi. El Konstıtýtsııasyna saı depýtattardyń qyzmeti ant qabyldaǵan sátten bastalady.
Alaıda birqatar saıası qarama-qaıshylyqtarǵa baılanysty Joǵarǵy Keńes otyrysyna bir partııanyń birneshe músheleri qatyspady.
Prezıdent Roza Otynbaeva depýtattardy jumystyń bastalýymen quttyqtap, olardan 27 qarashaǵa deıin koalıtsııalyq úkimetti qurýdy surady.
