Qyrǵyzstannyń jańa parlamenti 10 qarashada óz jumysyn bastaıdy
BІShKEK. 9 qarasha. QazAqparat /Arnur Rahymbekov/ - Sársenbi, 10 qarasha kúni jańa shaqyrylǵan Qyrǵyzstannyń Joǵarǵy keńes (parlament) depýtattaryna bekitilgen úlgidegi belgiler men kýálikterdi tapsyrý rásimi bolady.
Sol kúni saǵat 14.00-de respýblıka prezıdenti Roza Otynbaevanyń qatysýymen Qyrǵyzstan Respýblıkasy Joǵarǵy Keńesiniń birinshi otyrysy bolady.
Esterińizge sala keteıik, Qyrǵyzstannyń jańa parlamentiniń alǵashqy otyrysy 5 qarasha kúni ótýi kerek edi. Alaıda birqatar saıası partııalardyń saılaý qorytyndylaryna qarsylyq tanytyp, shaǵym bildirýlerine baılanysty parlament jumysynyń bastalýy keıinge shegerilgen bolatyn.
Qyrǵyzstandaǵy Parlamenttik saılaý 10 qazan kúni ótip, onda «Ata-Jurt», «Qyrǵyzstannyń sotsıal-demokratııalyq partııasy», «Ar-Namys», «Respýblıka» jáne «Atameken» partııalary jeńiske jetken.
