Qyrǵyzstannyń jańa ishki ister mınıstri qorqaýlarǵa oq atýǵa ruqsat berdi
ASTANA. Sáýirdiń 9-y. QazAqparat - Oppozıtsııa taǵaıyndaǵan Qyrǵyzstannyń jańa ishki ister mınıstri Bolotbek Shernııazov quqyq qorǵaý organdaryna qorqaýlarǵa oq atýǵa ruqsat berdi. Bul týraly mınıstr qyrǵyz telearnalarynyń birinde tikeleı efırde málim etti, dep habarlaıdy RBK agenttigi.
Qazirgi tańda Bishkekte, respýblıkanyń basqa da qalalarynda taspen, taıaqpen, temirmen, t.b. qarýlanǵan qorqaýlar top-top bolyp áreket etýde.
Qorqaýlardyń áreketterin toqtatý úshin oppozıtsııa halyq jasaǵyn qurdy. Onyń músheleri qala kóshelerin, dúkender men saýda ortalyqtaryn kúzetip júr. Bishkekte arnaýly áskerı jasaqtyń paıda bolǵany týraly da aqparat bar. Kýágerlerdiń aıtýynsha, áskerı jasaq mingen birneshe júk kóligi qorqaýlardyń eń úlken toby jınalǵan Bishkektiń ońtústik aýdandaryna qaraı bet alǵan.
