Qyrǵyzstannyń Ystyqkól oblysynda sel júrdi
ASTANA. Tamyzdyń 16-sy. QazAqparat - Qyrǵyzstannyń Ystyqkól oblysynda sel júrdi. Bul jóninde Qyrǵyzstan Respýblıkasynyń Tótenshe jaǵdaılar mınıstrliginiń baspasóz qyzmeti habarlaıdy, dep jazdy «24.kg» AA.
TJM málimetteri boıynsha, tamyzdyń 14-indegi oqıǵa saldarynan Balykchy-Karakól tas jolynyń 100 - 106 shaqyrymyn yǵysqan qum basyp qaldy. Oqıǵa ornyna qajetti tehnıkalar tartyldy. Qazirgi ýaqytta qalpyna keltirý jumystary aıaqtalyp, jol ashyldy.
Budan basqa, Batken oblysynyń Qadamjaı aýdanyndaǵy Soh ózeniniń sýy arnasynan asyp, bógetti shaıyp ketken. Sonyń saldarynan Togorok aýyly men Býrgondý sý taratqysh stansasyn sý basyp qalý qaýpi kúsheıdi. Oqıǵa ornyna aýyr tehnıkalar tartylyp, jedel qalpyna keltirý sharalary qolǵa alyndy. Qazir bul jumystar tolyq aıaqtaldy, aımaqty sý shaıyp ketý qaýpi de seıildi.
