Qyrǵyzstannyń Ulttyq qaýipsizdik komıteti bılikti basyp alý týraly iste kimder ustalǵanyn habarlady

ASTANA. QazAqparat - Bılikti kúshtep basyp alý maqsatynda jappaı tártipsizdik pen baǵynbaý áreketterin uıymdastyrýdy josparlaǵan adamdar ustaldy. Bul týraly QR Ulttyq qaýipsizdik komıtetiniń baspasóz ortalyǵynan málimdedi, dep habarlaıdy QazAqparat Qyzǵyzstannyń 24.kg agenttigine silteme jasap.

Alynǵan aqparat pen jınalǵan aýdıo jáne beınematerıaldar negizinde qylmystyq is qozǵalǵany, onyń sheńberinde sot sanktsııalaǵan arnaıy tergeý áreketteri júrgizilgeni naqtylanady.

«Bul qylmystyq top jyl boıy óz qataryna jaqtastaryn, búkil eldegi eń narazy azamattardy maqsatty túrde tartqan. Topty uıymdastyrýshy jáne ıdeıalyq shabyttandyrýshysy - azamattyq belsendi jáne «Eldık Kenesh«saıası partııasynyń tóraıymy N.R.S. Onyń basshylyǵymen bılikti kúshtep basyp alý jónindegi josparlardy talqylaı otyryp, memlekettik qurylymdarǵa qarsy tartylǵan adamdardy ıdeologııalyq óńdeýge baǵyttalǵan kezdesýler turaqty túrde ótkizildi», - dedi vedomstvodan.

Eldiń UQK uıymdasqan topqa qoǵamnyń ártúrli salasynan jáne respýblıkanyń aımaqtarynan 100-den astam adam tartylǵanyn, olardyń arasynda naqty tapsyrmalar bólingenin naqtylady.

«Jaqyn arada uıymdastyrý máselelerin qarjylandyrý jáne negizgi múshelerge syıaqy tóleý úshin shetelden aqsha túsý kútilgeni týraly aqparat bar. Qaskúnemder ózderiniń qylmystyq josparlaryn júzege asyrýdyń belsendi kezeńin qandaı da bir oqıǵa boıynsha qoǵamda narazylyq týyndaǵannan keıin birden bastaýdy kózdedi», - dep atap ótti Memlekettik komıtetten.

UQK-ǵa toptyń 30-dan astam qatysýshysy jetkizildi.

«N.R.S. jáne onyń negizgi seriktesteri N.R.S., I.G.S., M.A.J. jáne D.T.A. ustaldy. Olar kinálaryn moıyndady. Olardyń qylmystyq nıetin rastaıtyn zattaı dálelder tárkilendi. Barlyq ustalǵan adamdar UQK ýaqytsha ustaý ızolıatoryna qamaýǵa alyndy», - dep tolyqtyrdy vedomstvodan.