Qyrǵyzstannyń ýaqytsha úkimetiniń apparat basshysy otstavkaǵa ketti
ASTANA. Maýsymnyń 7-si. QazAqparat - Qyrǵyzstannyń ýaqytsha úkimetiniń apparat basshysy Edil Baısalov otstavkaǵa ketti, dep habarlady Bı-Bı-Sı agenttigi
Onyń aıtýyna qaraǵandy, laýazymdy qyzmetten ketý sheshimin ol jańa saıası partııa qurý nıetine baılanysty qabyldaǵan. E.Baısalov óz partııasynyń respýblıkada aǵymdaǵy jyly qazanda ótetin parlamenttik saılaýǵa qatysa alatyndyǵyn málim etken.
«Óz múddeme ákimshilik resýrstardy paıdalanǵym kelmedi», depti ol. Sonymen qatar E.Baısalov ýaqytsha úkimettiń qalǵan múshelerin de ózinen úlgi alýǵa shaqyrǵan.
Edil Baısalov sońǵy jyldarda Shvetsııada saıası emıgratsııada bolatyn. Ol Qyrǵyzstanǵa eldiń burynǵy prezıdenti Qurmanbek Bakıevtiń rejımi qulaǵannan keıin oralǵan edi.
