Qyrǵyzstannyń ýaqytsha Úkimetine eldegi ahýaldy turaqtandyryp, bılikti qolǵa alyp, qajetti isterdi qalpyna keltirýdi tileımiz - Elbasy N. Nazarbaev
ASTANA. Sáýirdiń 16-sy. QazAqparat /Rýslan Ǵabbasov/ - Qazaqstan Qyrǵyzstannyń ýaqytsha Úkimetine eldegi ahýaldy turaqtandyryp, bılikti qolǵa alyp, qajetti isterdi qalpyna keltirýdi tileıdi. Bul týraly búgin Aqordada Qyrǵyzstan máselesine arnalǵan brıfıngte Elbasy Nursultan Nazarbaev málim etti,
dep habarlaıdy QazAqparat.
Qyrǵyzstanda tártipsizdik pen tonaý faktileri oryn alǵandyǵyna alańdaýshylyq bildirgen Elbasy, «2005 jyldan keıin ekonomıka bul elde endi kóterilip kele jatqan edi. Qazir endi ol qaıtadan tómen quldyrady», dedi.
Elbasy búginde Qyrǵyzstandaǵy vertıkaldi bılik jergilikti jerlerge álsiz jetip jatqanyn aıta kele, bul óz kezeginde túrli uıymdasqan qylmystyq toptar úshin qolaıly ekenin aıtty. «Sondyqtan, ýaqytsha Úkimetke eldegi ahýaldy turaqtandyryp, bılikti qolǵa alyp, qajetti isterdi qalpyna keltirýdi tileımiz», dedi Memleket basshysy.
Osy oraıda Prezıdent bul elde saýda oryndary tonalyp, bankter jabylǵanyn, bıznes jumys isteı almaı jatqanyn aıtty. «Bundaı jaǵdaı, óz kezeginde qazynaǵa kiris túsirmeı jatyr. ıAǵnı, bul eldegi jaǵdaı kóńildi qulazytady», dedi N. Nazarbaev.
